أول يوم لي ف الجامعه..ويا >>zooozy

من طرف zooozy الجمعة أغسطس 28, 2009 1:06 am

بسم الله الرحمن الرحيم

السلام عليكم ورحمه الله وبركاته

شحالكم فديت لوحكم انا..عساكم بخير ياربيه

اليوم بتاريخ27/8/2009>>اليوم الارشادي ف الجامعه

بقولكم بالتفصيل الممل شو استوى اليوم

نشيت س8:00ص..غلست ويهي وتسبحت ولبست وتكشخت..عاد اليوم انا كنت لابسه زيبرا خخخ اوني عاد..
طلعت من البيت س8:30ص..وامايه بسرعه تسوق عسب نوصل وما اتاخر..
وصلنا الا ربع..حدرت وياي قالت بشوف كيف الجو عندكم داخل..تلاقيت بوحده من ربيعاتي..سوالف ومصخره وجي..
عقب رحنا صوب الرسبشن وعطونا اسم الكلاس مالنا..انا كلاسيA16..عاد تعالي دوري وين ها بعد..ومشيت ومشيت لين ما حصلته..
وحليلي انا وايد شاده حيلي اول وحده حادره الكلاس مافي حد موول..ولا بعد مبندين الكهربا..والتكييف خربان..وااااااااااااا..
عاد انا من الصبح ادور هالكلاس وامشي واخر شي ماشي تكييف..قهر والله..وبعد امايه ربي يطول بعمرها طول الوقت وياي..تقولي بتم عندج مابي اداوم اليوم ههههه..وعقب راحت وخلتني رووحي..بس اربع طوف..بس انا ما حدرت الكلاس..تميت واقفه عند الباب احرس..
وجاااان اشووف مس..قلتلها مس بليييز ارحموونا..متنا من الحر ياخي..وجان تطلع زلمه وقالتلي..
وشو بدك اعمل يعني..روحي أولي للعمال يفتحوهوون..وعقب راحت..وانا اساسر عمري واقول صج انها مسوده الويه..من بدايتها تعاملنا جي..

بعدين الله يسلمكم حدرت الكلاس..كان س9:30ص..وماشي وايد بنات..وعقب التقيت بربيعاتي فديتهم تمينا انسولف شوي..وكل وحده راحت كلاسها..بس انا الحمد لله شي وحده من اللي كانت وياي ف ثنويه العامه..ياخي استانست من شفتها..

بعدين تعرفنا عالمس وتعرفت علينا..وحليلها بريئه وطيبه والله..هالمس اجنبيه..وممنوع ترمسين عربي الا للضروره
عقب خلونا نلعب لعبه نيهاهاهاها

لعبه الكلمات المفقوده بس بالانقلش طبعا..

30كلمه..وكل هنتين ف ورقه..قلت حق ربيعتي ...>>اسمها يعني..قالت ها
قلتلها احوليت..وسويت عمري صج حوله..وبنات الكلاس شافوني وضحكم كلهم..والمس ماتعرف شو السالفه خخخ

عقب حوطونا من س10:00ص لين س12:00م..ونحن نمشي

من كلاس لي كلاس..ومن مبنى لمبنى..ومن والى وعن ع ف..والله تعبت من الخاطر..احمريت من الشمس..وتعتب من المشي..وريجي نشف والحاله لله..واااااااااااااا

عقب رحنا المسرح..سوو مسرحيه..رمسوا عن اللابتوبات..وعن البويات..وشو اخرتهم..ورمسوا عن الفونات..

اللابتوبات..ناخذهن من الكليه نفسها..وبعطيكم خلفيه اذا ما تعرفون او معلومات اضافيه..اللابتوب عباره عن كتاب من الكتب اللي راح ندرسها..مجهودنا كله فيه..وسعره ما يقارب من6000لين8000درهم..وعن البويات..قالولنا ان شي بويات عرسوا كيف مادري..هههههههه..منو خذاهم بس مادري..وعن الفونات..ممنوع تستخدمين الفون ف اي مكان لا..عندج اوقات محدده و ف اماكن محدده..واذا رمستي ف الفون ف اماكن ممنوعه..يسحبون فونج ويعطونج بطاقتج..ويصدرون الفون..

واذا تكرر يشلون الفون ويا البطاقه..ويعطونج انذار..شهر مايكون عندج فون..بعدين يردونه حقج..اذا تاخرتي عن الكلاس بدقيقه يعطونج ليت..واذا 3دقايق ليتين..واذا عرش دقايق آآآبسن..يعني يسجلونج غياب..

وعن اللبس..ممنوع الالوان الفاقعه..والبطن طالع ومادري شو..يعني احتشموا..

هيه بقولكم سالفه استوت..

شي وحده انزين..برج العرب مادري ايفل ع راسها..وبفه وكشه..وحالتها لله..والبطن برا..وكل شي برا..

ويا ربيعاتها يتمشون جان ربيعتي دقت جتفها بالغلط جان تقول هاي ام البفه..قوومي عنها هاي فيها انفلونزا الخنازير

وجااان ما اعفد عليهاااا

وضرابه وطااخ طييخ طووخ

وهيه بعد قالولنا شي وحده تغني انقلش يايبينها من كنده..والله طيبه ياخي..تقول انا بغنيلكم عقب رمضان

جان وحده من ربيعاتي تقول ما يستوي تغنين دقني دقني..خاطري ارقص..وما قمنا نضحك بصوت عالي وسوينا حشره خخخ

وعقب التقينا بالشيخه امل القاسمي..سولفت ويانا شوي ع اخر وقت

وعقب رديت البيت ردقت ونشيت عالمغرب..وما اشوف فووني حارقينه..وقلت حق وحده تنششني من الرقاد عطتني طاف

والحين انا مافيني رقاد..يعني ضربه عالسهر خخخ

وتوته توته خلصت الحتوته^^

من طرف **المتيم** الجمعة أغسطس 28, 2009 9:40 pm

زوزي : ماشاء الله عليج هههه كل استوا بيوم واحد .. يلا زين يعني شي وناسة وفرفشة . ^_^ بس كأني سامع هالقصة قبل .. ^^ ههههه اسولف

وتسلمين ع السوالف الحلوه نتريا اليديد

سلم لم .. المــتيم

س