حكـــايهـ..شـ ع ـــبيهـ,,..منzooozy

من طرف zooozy الأربعاء يوليو 01, 2009 4:22 am

عذيجه:حبوووتي حبيبتي تعاي قوليلنا حكاية شعبية من تراثنا الإماراتي الجديم..
اليدة:ان شاء الله يابنيتي بقولكم كلكم وخليها عقب ما نخلص من صلاه العشا وعقبها بنتعشى وياالاهل..شرايج اقوولكم الحكايه ف نص الليل؟
عذيجه:ان شاء الله يدووتي مثل ما اتشووفينه

أتى موعد قدوم نصف الليل..انتظر دقات الساعة..الآن الساعة 12:00 ليلاً..

عذيجه:يدووتي الحينه وقته
يدتي:يلا حبايبي تعالو كلكم ف صاله وحده وبحكيلكم ذييج الحكايه الغاويه..

جلس الجميع وبآذان مستمعة وأعين باصرة..وأنا أحمل بيدي الورقة والقلم لأدون ما ترويه لنا جدتي الحبيبة..

بدأت بالحكاية بقولها:كان يا مكان في قديم الزمان وسالف العصر والأوان..

بحكيلكم اليوم حبايبي عن وحده اسمها أم الهيلان..واول شي بقولكم شكلها ومواصفاتها..وليش سموها بام الهيلان..اهي ربي يسلمكم ويها مشوه وبيضه وتحب اتاذي الاوادم,,وسبب تسميتها لانها تشل بعيناتها عين الحسد والشرار الكون اللي عايشين نحن فيه بعيناتها بس اتصدقون يا عيالي ان عيناتها يوم الناس تشوفها بريئه وواسعه وبريق ..وبعد بقولكم شي جسمها فيه روووح شيطاني ساكن فيها..بس والله ما بتصدقون انها حرمه عاديه الشكل مابها اي شي..وبزيدكم من الشعر بيت اهي راقيه وايد..
تقول لنا يدتي:امايتيه تقول لي سمعت من وحده ساكنه صوبهن وتقول لها ولي رفيجاتها:
ان مره دخلت عليهن حرمه وهن الحريمات يالسات يسولفن في بيت رفيجتهن..وقالوا ف انفاسهن:يمكن شافت الباب مطلق وحدرته..يمكن فقيره تبغي صدقه منا..دخلت هالرحمه وراحت صوب الحريمات..وسالوها من وين انتي يايه وشو بغيتي..
قالت لهن:انا ييت من قريه بعيده..والسبب انها تبغي تروح للسوق عسب تتشرى سوالف ناقصتها..عاد ف هاللحظه كلنا تعجبنا السوق وين ونحن وين..وعقب ثواني قالت لهن:بغيت منكم شوي ماي اروي نفسي فيها لو سمحتن..

فاسكبوا لها وأعطوها ولكن لم تشرب الماء قط والشيء الذي فعلته حين دخولها
للمنزل هو نظراتها و تدقيقها في كل شي يخص البيت ولم تغلق عينها لثوانٍ..فأعطتهن الكوب وخرجت مسرعه وأيضا لم تقل شكرا أو أي شيء آخر .. حينها قالت أمراه منهن لايكون هالحرمه هي ام الهيلان..

صاحبت البيت الراقي مرضت وسقطت عليهن وباتت على الفراش يومين كاملين لا تستطيع الحركة وحرارتها مرتفعه كثيرا ومرهقه بدرجه كبيرة..

حتى توفت صاحبه هذا المنزل .. وتسببت بكل هذه المتاعب التي وقعت..((فقط ))..لدخول هذه الإمرأه الغريبة ذات الروح الشيطانية حياتهن..

عسب جذه يا حبايبي عيالي اقوولكم لا تفتحون الباب لحد وحتى لو كان فقير..واذا طلب منكم شي صكوا الباب وعقبها عطوه اللي يبغيه من فلوس ولا اكل او حتى الماي

وطار طير الله يمسيكم بالخير..

تصبحون على ألف خير..وفي أمان الله أريد انام انا..

فحبيناها ع راسها وايدها ورحنا رقدنا انا والباجي..